रोजचा पाऊस !!!

पावसाशी बोलायचं,पावसाशीच हसायचं 

थोडं कुठं वारं आलं कि हातावर झेलायचं

रोजचंच झालाय आता ढगांबरोबर फिरणं 

आणि रोजचं पावसा, तुझं माझ्या अंगणात उतरणं 

उतरून गप्प राहशील कसा, दरवळतोस सगळीकडे जसा प्राजक्ताचा सडा

पण खरं सांगू, तेंव्हा न तू मला माझ्यासारखाच वाटतो, थोडासा वेडा

हळू हळू मग दिवस रात्रीकड सरतो 

आणि ओल्या अंगणात फ़क़्त तू आणि मी उरतो 

पावसाकड बघायचं, बघता बघता हरवायचं

हरता हरता मग पावसालाच ओलेचिंब भिजवायचं 

रोजचंच झालाय आता आपला असं खेळणं 

आणि रोजचं पावसा, तुझं माझ्या अंगणात पसरणं