ते भास ओले होते ,ते श्वास ओले होते ,
मृद्गंध श्रावणीचे ,
अंतरीचे गीत होते
चिंब वारे, चिंब शहारे
चिंब रानी चिंब पिसारे
मृद्गंध श्रावणीचे
मन मयूर फुलवीत आले
अगतिक रिमझिम धारा
व्याकूळ होते धरती
मृद्गंध श्रावणीचे
पांघरून येते प्रीती
आभाळ गहिवरलेले
नभ साथ द्याया नाही
मृद्गंध श्रावणीचे
गीत आसवांचे होई
भिजलेल्या पावूलावाटा
भिजलेल्या लक्ष कहाण्या
मृद्गंध श्रावणीचे
प्रणयाला साद देती
